Bohoka
Bohoka ni urubuga rutanga amakuru ajyanye n’aho wakura ubufasha ku buzima bwo mu mutwe ndetse n’inama z’uko wabwitaho. Uru rubuga ushobora kubona imyirondoro yinzobere mu buzima bwo mu mutwe mushobora kuganira ukababaza n’ibibazo ku buzima bwo mu mutwe. Ushobora no gusoma inama zifatika z’uburyo wakwita ku buzima bwawe bwo mu mutwe.
Ese ubuzima bwo mu mutwe ni iki?
Ubuzima bwo mu mutwe bishatse kuvuga ubuzima bujyanye n’intekerezo, amarangamutima, ndetse n’imibanire n’abandi. Bugizwe n’ibice bitatu.
- Amarangamutima: ingero z’amarangamutima dushobora kugira ni agahinda, ibyishimo, kurakara, kunezerwa, no gukunda. Amarangamutima yose akomoka mu buzima bwo mu mutwe.
- Ibitekerezo: Gutekereza bitugirira umumaro mu gufata ibyemezo, kwiga, gupanga gahunda, no gukora ibikorwa byiza. Abantu bafite ibikererezo byiza baba bagira ubuzima bwiza bwo mu mutwe.
- Imyitwarire: Ibikorwa dukora biyoborwa n’intekerezo ndetse n’amarangamutima. Kugira ubuzima bwiza bwo mu mutwe bituma dutekereza neza bityo ibikorwa byacu n’imibanire yacu n’abandi bikaba byiza
Uko wamenya indwara zo mu mutwe
Umubare munini w’abantu ku isi bafite indwara zo mu mutwe, kandi iyo mibare ikomeje kwiyongera. Dore bumwe mu buryo wakoresha ngo umenye ibimenyetso by’indwara zo mu mutwe
Indwara y’agahinda gakabije
Agahinda gakabije ni indwara ikunda kurangwa no kugira agahinda kenshi igihe kinini, ndetse niho izina ryayo ryaturutse.
Indwara y’umuhangayiko
Umuhangayiko ni indwara irangwa no kugira ubwoba bw’ibintu runaka cyangwa guhangayikira ibintu runaka ku rwego rukabije.
Indwara y’ihungabana
Ihungabana ni indwara irangwa ahanini no kunanirwa gukira igikomere umuntu yatewe n’ibyo yanyuzemo cyangwa yabonye.
Indwara ituma umuntu asa n’aho yibereye mu isi ye
Gutandukana n’ibiri ku isi ni indwara irangwa no gutakaza ubushobozi bwo gutandukanya ibiri kuba n’ibitari kuba mu isi.
Kubatwa n’ibiyobyabwenge
Kubatwa n’ibiyobyabwenge ni indwara irangwa no kunanirwa kwiyobora mu buryo ukoresha ibintu runaka.
Menya ibindi
Menya kurushaho ibimenyetso by’indwara zo mu mutwe
Hura na Muganga Solange
““Iyo abantu bahuye n'ihungabana cyangwa imihangayiko ikabije y'ubuzima, birasanzwe ko ubuzima bwabo buhinduka. Mfite ishyaka rikomeye ryo gufasha abantu bahuye n’ibibahungabanya ndetse bikabahangayikisha bagakira. Mfasha abangana barimo abana, abakuze n’imiryango kwiyakira no kwikunda, ndetse no kunoza imibanire yabo n’abandi kugira ngo babashe kumva bafite amahoro, buzuye kandi batekanye. Mfite impamyabushobozi y’ikirenga mu kuvura indwara z’imitekerereze, nakuye muri kaminuza ya Ryokan i Los Angeles, impamyabumenyi mu bijyanye n’ubujyanama ku buzima bwo mu mutwe nakuye muri kaminuza y’u Rwanda“
Inama zagufasha kugira imitekerereze myiza n’ubuzima bwiza bwo mu mutwe
1. Imyitozo ngororamubiri
Kugendagenda cyangwa gukina bigabanya siteresi kandi bikaruhura ndetse bigakangura ubwonko. Gukora imyitozo ngororamubiri ihoraho bituma utekereza neza, ugashyira ibitekerezo hamwe ndetse ukabaho utuje.
2. Imitekerereze inoze
Ruhura ubwonko kandi utuze. Kwandika mu ikaye bigufasha gushyira ibitekerezo byawe ku murongo, ndetse no kumva umuziki utuje cyangwa kunywa icyayi gishyushye byagufasha kuruhuka no kugira ibitekerezo byiza.
3. Gusinzira neza
Gusinzira bihagije buri joro bituma ukora imirimo yawe neza, ndetse ukabona umwanya w’inshuti, gukora ibyo ukunda ndetse no kuruhuka. Bikangura ubwonko, bigatuma bukora neza ndetse bikabufasha kwibuka. Ingimbi zigomba gusinzira amasaha 8-10 mu ijoro, naho abafite imyaka 20 kuzamura bagasinzira amasaha 7.
4. Imirire
Kugira ngo umubiri ukore neza, ukenera intungamubiri nyinshi. Kurya neza bivuga kwishimira ibyo ugiye kurya, ugasangira n’inshuti zawe ukagerageza ibiryo bishya utari uzi, kandi ukibuka kurya indyo yuzuye igihe cyose bishoboka.
Bimwe mu bibazo twabajijwe
Dore bimwe mu bibazo twabajijwe n’urubyiruko nkawe ndetse n’ibisubizo byabyo. Nturi bubashe kwandika ubaza ikibazo cyawe ariko ushobora guhitamo mu bibazo byose byabajijwe n’urubyiruko bagenzi bawe ukareba ibisubizo byabyo.